Aktori hollivudian, Johnny Deep do të rikthehet me një film të ri, ku do të luajë rolin e detektivit Russell Poole.
Ai do të tregojë mbi vrasjet e Tupac Shakur dhe The Notorious B.I.G.(emri i të cilit është Christopher Wallace). Sipas Screen Daily, producentja Miriam Segal do të sjellë në ekranin e madh një përshtatje të librit “Labyrinth”, të autorit Randall Sullivan.
Përpara atakut në zemër në vitin 2015, detektivi Poole kishte dalë me teorinë se tre oficerë policie dhe drejtori ekzekutiv i Death Row Records, Marion “Suge” Knight, ishin përgjegjës për vrasjen e reperit 24-vjeçar.
Kjo teori ka shërbyer si bazë për një çështje ligjore të ngritur kundër qytetit të Los Anxhelos nga nëna e Wallace, Voletta Wallace. Por pas pesë vjetësh çështja u pushua në vitin 2010.
Filmi “Labyrinth” do të ketë regjinë e Brad Furman, i cili ka qenë regjisor i “The Infiltrator”, “Runner Runner” dhe “The Lincoln Lawyer”.
