Ish-presidenti Joe Biden, 82 vjeç, është shfaqur për herë të parë në publik pas lajmit për diagnozën e tij me një formë agresive të kancerit në prostatë. Ai mori pjesë në ceremoninë e diplomimit të nipit të tij, Robert “Hunter” Biden II, më 23 maj në Salisbury School, Connecticut.
Në një postim në Instagram, Zonja e Parë, Jill Biden, ndau një foto familjare me nipin diplomuar.
Një ditë më parë, familja Biden ishte parë në restorantin “The Woodland” në Lakeville, ku stafi dhe klientët përshkruan Joe-n si të përzemërt dhe modest. “Ai ishte po aq i sjellshëm me klientët sa me stafin dhe u interesua për të gjithë të tjerët, jo për veten,” tha pronari i lokalit.
Kjo dalje vjen pak ditë pas njoftimit zyrtar se Biden është diagnostikuar me kancer prostatik në stad të avancuar, i cili është përhapur edhe në kocka. Ai kishte përjetuar simptoma urinare të vazhdueshme përpara se të merrte diagnozën.
