Nëse nuk e dinit, Priyanka Chopra dhe Nick Jonas kanë më shumë se 10 vite diferencë (Priyanka 36, Nick 26) dhe janë përballur me shumë negativitet në fillim të lidhjes së tyre për shkak të kësaj çështje. Por fatmirësisht, ata nuk e kanë aspak problem, madje bëjnë edhe shaka me të tillë situatë.
Në një intervistë për “Vogue”, Priaynka dhe Nick do të rrëfejnë historinë e tyre për kopertinën e muajit janar dhe sipas intervistuesit Nick dukej sikur ishte më i madhi në lidhje, nga të dy. Ndaj, aktorja e njohur nuk e mbajti sekret pseudonimin që i ka qëndisur partnerit të saj.
“E thërras burri i vjetër Jonas” – tregoi ajo duke qeshur.
Duket se e gjithë popullsia e Indisë, ka një pseudonim për aktorin, gjithashtu. Ata e thërrasin “jiju” që do të thotë ndryshe “burri i motrës”.
Festimet për dasmën e çiftit kanë nisur në Indi dhe duket se i gjithë vendi gëzon për kurorëzimin e dashurisë së çiftit.
