Beniada Nishani ishte një nga banoret më të pëlqyera e më të preferuara të publikut në “Big Brother VIP”, e cila i bëri të gjithë për vete me karakterin e saj dhe pozitivitetin që e shoqëronte gjatë çdo dite në shtëpinë më të famshme në Shqipëri,
Një nga surprizat që iu bë asaj gjatë qëndrimit në garë ishte pikërisht lajmi se do të mund të moderonte në emisionin e “Top Channel” “Procesi Sportiv” së bashku me Ed Manushin dhe Alesia Bamin.
Ndërkohë, me përfundimin e “BB VIP”, modelja u kthye shumë shpejt pjesë e televizionit me paraqitjet e saj të shpeshta në “E diell”.
Aty ajo ka bërë me dije edhe lajmin e saj më të ri, duke njoftuar se po mendon të hapë linjën e sja të veshjeve në qytetin e Tiranës. Ajo nuk e ka bërë ende të qartë nëse bëhet fjalë për linjë të brendshmesh apo një linjë tjetër veshjesh.
Ndërkohë pak ditë më parë, Beniada zbuloi se tashmë është shpërngulur në Tiranë përfundimisht, ku tregoi edhe pak pamje nga shtëpia e saj e re në kryeqytet.
Shtëpia e re është në një lokacion të lakmuar për Tiranën, që tashmë i shtohet edhe një banore tjetër të famshme.
