Nevina Shtylla është shfaqur këtë sezon të ri televiziv krahas Edi Manushit, në emisionin kushtuar sportit “Proçesi Sportiv”. Ndërsa, Fjoralba Ponari po bëhet gati për emisionin më të ri që do të shfaqet të dielave në ekranin e “Top Channel”. Por Ponari u rikthye mbrëmjen e djeshme pranë Manushit, këtë herë si e ftuar në emision, duke i ngacmuar fantazinë fansave.
Ditën e sotme, një nga ndjekësit e ka pyetur Nevinën nëse do të jenë gjithmonë së bashku në emisionin e sportit. Por duke hedhur poshtë këtë ide, Nevina na zbuloi edhe surprizën e rradhës!
“Do jemi bashkë në një tjetër format me Fjoralba Ponarin, ndërsa në ‘Procesin Sportiv’ është gjithmonë e mirëpritur” – sqaroi Nevina.
Sakaq, e pyetur nëse do të kishte dëshirë të kishte një emision të sajin, Nevina u shpreh se çdo gjë duhet bërë në kohën e vet.
Ndaj, rrugëtimi i saj në “Top Channel” sapo ka nisur!
