Qytetarët shqiptarë po denoncojnë dita-ditës çmimet absurde të vendosura nga pronaret e bareve dhe restoranteve buzë detit.
Nëse më parë kemi parë fatura ku një makiato kushtonte 180 lekë të reja në Livadh të Himarës, apo kur të gjithë u habitën me omletën që kushtonte 900 lekë të reja në Dhërmi, këtë herë çudia vjen nga qyteti i Durrësi.
“JOQ” ka publikuar një faturë të një prej bareve të qytetit të Durrësit, ku çmimi për një kafe prek shifrën e 220 lekësh, nga 80 lekë që është çmimi mesatar i saj.
Mesa duket edhe në qytetin e Durrësit ka pasur pronarë lokalesh që janë tunduar nga rritja e çmimeve dhe kanë vendosur çmimet sipas dëshirës.
