Këngëtarja e njohur dhe aktualisht moderatorja e “Vizionit të Pasdites”, Evi Reçi, ishte e ftuar ditën e sotme në emisionin rreze dielli.
Gjatë intervistës, ajo tregoi se shumë shpejt do ta shohim si aktore në një projekt italian.
Një producent në Firence i kishte propozuar Evit të luajë në filmin e tij, mirëpo ende nuk ishte vendosur roli që do të luante.
“Do xhiroj diçka, është një skenë filmi. Është produksion italian. Nuk është i pari, do të vijojë dhe një film i dytë nga viti tjetër, por fillimisht kemi këtë si provë. Është akoma në fazën e prodhimit. Më është propozuar nga një regjisor i Firences që është në tratativa me kanalet e mëdha. Por jemi në provë, do shohim. Ta provojmë njëherë.”- u shpreh Evi.
Gjithashtu, gjatë intervistës së sotme këngëtarja rrëfeu për jetesën e saj në Greqi dhe Itali, ku fillimisht e kishte pasur të vështirë të përshtatej. Megjithatë, Evi dhe familja e saj ia kishin dalë më së miri.
