Suksesi i këngëtares shqiptare nuk ka të ndalur. Pas publikimit të këngës “New Rules”, Dua ka fituar një sërë çmimesh, mes të cilave edhe atë për ‘Artisten solo më të mirë britanike’ në ceremoninë e ‘BBC Radio 1 Teen Awards 2017’.
Hiti i saj “New Rules” është votuar si kënga më e mirë dhe ky çmim i takoi yllit nga Kosova.
Në ceremoninë e zhvilluar në Wembley Arena të Londrës, 22-vjeçarja njëherësh ka dhuruar një performancë mbresëlënëse për fansat e saj të shumtë.
E veçantë ishte dhe veshja e Duas gjatë performancës, një pallto me fruda e bardhë dhe një rrip me gurë me shkëlqim.
Ndërsa më herët, gjatë parakalimit në tapetin e kuq, Dua kishte zgjedhur një fustan me ngjyrë të verdhë dhe të shkurtër në pjesën e përparme që nxirrte në pah këmbët e saj të gjata.
