Semi Jaupaj ka qenë në rradhët e të ftuarve në puntatën e mbrëmshme të “Zemër Luana”.
E përfshirë në një nga lojërat e programit, ku kryefjalë ishte zbulimi i sekreteve, këngëtarja ka ndarë një të tillë me shikuesit.
Ajo ka treguar se ka qenë në një klasë me Xhensila Myrtezajn ndërkohë që jetonte afër me Bes Kallakun aso kohe. Ky i fundit e ka pyetur Semin shumë kohë më parë për vajzën që dashuronte, Xhensilën.
Në lidhje me këtë rast, Semi ka bërë edhe një batutë duke thënë: “Unë bashkoj çifte, jam bërë kupid”.
Duke iu referuar kështu edhe çiftit Bora Zemani dhe Donald Veshaj, në ribashimin e të cilëve ka pasur shumë gisht Semi Jaupaj.
Semi Jaupaj ka qenë e ftuar në “Goca dhe Gra” ku u pyet edhe për rikthimin e Borës dhe Donaldit, ku dukej mjaft e lumtur për dyshen. Mirëpo teksa u pyet nga moderatoret për Borën dhe Donaldin, këngëtarja kishte vetëm dy fjalë për të thënë:
“Nuk dua ta flas më këtë gjë. Thash që është gjë shumë personale dhe çfarë u takon atyre, u takon atyre për të folur dhe jo mua më”.
Kujtojmë që ishte po Semi ajo që postoi një foto me Bora Zemanin dhe Donald Veshajn gjatë pjesëmarrjes së tyre në “Sunny Hill Festival” në Tiranë duke konfirmuar publikisht ribashkimin e tyre në atë kohë.
