Kim Kardashian është akuzuar sërish se e ka tepruar me photoshop-in.
Ajo publikoi një selfie që e kishte realizuar gjatë setit të fotove për Calvin Klein, dhe ndërhyrja në foto u vu re pikërisht në kornizën e derës pas kofshëve të Kim.
Fansat shpërthyen menjëherë në akuza e komente për përdorimin e tepruar të photoshop-it:
“Disa vija nuk duken drejt. Ti je e bukur, të lutem boll e përdore photoshop-in”, shkruante një komentuese, ndërkohë që një tjetër i vinte në dukje Kim-it se nuk duket njësoj në të gjitha fotot që publikon.
Pak kohë më parë, një tjetër foto e Kim Kardashian u bë subjekt e akuzave për përdorimin e photoshop-it. Kim u justifikua me faktin që foton e kishte edituar një fans dhe makina që ishte zhdukur pas saj, ishte fshirë nga fansi.
