Ai i inatosi jo vetëm fansat e Khloe Kardashian por edhe familjen e saj kur u publikuan jo një por disa video ku puthej me femra të tjera.
Ndaj dhe vendimi i Khloe-s për ta mbajtur pranë partnerin “tradhtar” na habiti të gjithëve. Për të sqaruar vendimin e saj, Khloe Kardashian ka reaguar për herë të parë.
33-vjeçarja e bëri të qartë se pse ajo nuk do të largohet nga lojtari i basketbollit të Cleveland Cavaliers, me të cilin ka një vajzë njëmuajshe që quhet True.
Në një status në Instagram Khloe shkruan: “Është pikërisht ai që kërkon në një dhomë të mbushur plot me njerëz. Atij i takon zemra jote”.
Khloe e bëri shumë të qartë se është e dashuruar me sportistin 27-vjeçar.
Reagimi i saj vjen menjëherë pasi një burim tha për “People” se familja Kardashian-Jenner nuk është e lumtur me vendimin e Khloe-s për të qëndruar me partnerin, i cili raportohet ta ketë tradhtuar me të paktën 5 femra të tjera.
“Familja e saj nuk e ka vizituar prej kohësh”, shton burimi sipas “Daily Mail”.
Megjithatë të duash do të thotë edhe të falësh dhe Khloe paska një dashuri kaq të madhe për Tristan.
