Sa ishte pjesë e “Për’puthen” Fation Kuqari ishte një nga djemtë më të preferuar nga vajzat.
Mirëpo ai nuk arriti të gjente dashurinë dhe shpirtin binjak brenda programit dhe para disa javësh vendosi të dorëhiqej. Fationi u shpreh se kishte menduar prej kohësh të linte programin dhe se nuk mund të vazhdonte më tej të bëhej pjesë e hipokrizive.
Menjëherë pas emisionit të gjithëve ju tërhoqi vëmendjen një lidhje e ngushtë mes tij dhe Fifit. Këta të dy u shfaqën bashkë në rrjete sociale, por më vonë u zbulua se ata do të bashkëpunonin me njëri-tjetrin për këngën e re të Fifit dhe se nuk kishte diçka më shumë. Historia e me Fifin u mbyll me kaq, por më pas fansat nisën të preokupoheshin për një tjetër vajzë të njohur.
Fationi i bëri një koment modeles Trejsi Sejdini në Instagram dhe të gjithë nisën të dyshonin se mes tyre po lind diçka.
Fationi i shkroi Trejsit “O fëmijë i llastuar“, ndërsa ajo publikoi një video super seksi të sajën, teksa ia ktheu: “Bebwww praa“.
“I kam të dyja shumë mikesha…. (hesht). Unë të them dhe po dhe jo, ti prap do dyshosh. Unë them i kam mikesha, mendo ç’të duash. Unë mund të them që e kam dhe të dashur ose grua, ose diçka tjetër, ti prap do dyshosh”, u shpreh Fationi në një intervistë për “Expuls”.
Gjithashtu, Fationi ka rrëfyer se e kanë ngacmuar pafund femra të showbiz-it, të cilat s’preferoi t’i tregonte me emra.
Madje, ai tregoi se një pjesë e vajzave ishin edhe pjesë e televizionit “Ora News”, ku ai po realizonte intervistën.
Duket se “Për’puthen” ka qenë i suksesshëm për Fationin nga ana e femrave, pasi edhe mesazhet që ai merr në ditë janë të panumërta.
“Më kanë shkruajtur pafund. Jo një, dy, por pafund. Nuk e di ta shpjegoj se unë kam edhe një tip… Edhe nga “Ora” ka pasur. Nuk e di çfarë i kam bërë përshtypje, por ndoshta kam gjakun e ëmbël. Ndoshta s’më kanë ngacmuar hashiqare ose kanë thënë diçka, por… “- është shprehur ai.
