Janë apo jo bashkë Çiljeta Xhilaga dhe Alban Hoxha? Deri më tani dyshja ka vendosur që të qëndrojë e heshtur, nuk kemi pasur as “po” as “jo” prej tyre.
Këngëtarja dhe portieri nuk kanë dashur që të shprehen për jetën e tyre personale, por nga ana tjetër rrethi i tyre i ngushtë është në dijeni të romancës mes çiftit.
Në darkat me shoqërinë ata shkojnë bashkë dhe në festa janë në shoqërinë e njëri-tjetrit. Siç ishte rasti i mbrëmjes së djeshme, kur Çiljeta dhe Albani kanë darkuar me Xhimi Krasniqin dhe bashkëshorten e tij Erglina.
Por nuk është kjo arsyeja pse tashmë lidhja e tyre vërtetohet!
Në fakt është kjo foto, e cila qëndron si imazh profili në “Whatsapp”-in e këngëtares Çiljeta Xhilaga.
Ajo shfaqet krah Albanit në një lokal, të dy të veshur me të zeza dhe mund të lexojmë lumturinë e tyre.
Nëse dhe ju e keni numrin e Çiljetës në listën tuaj të kontakteve ashtu si ne të “iconstyle.al”, atëherë do t’ju dalë e njëjta foto identifikuese në numrin e saj në rrjetin sociale.
Kjo nuk lë më vend për dyshime!
