“Bëre mirë që u ndatë” apo “Harroje, s’bënte për ty”, janë vetëm dy nga këshillat që shpesh na i thonë miqtë pasi i kemi dhënë fund lidhjes. Por pavarësisht se qëllimi i tyre është që t’ju bëjnë të ndiheni mirë me veten, jo gjithmonë ndarja është rruga e duhur që duhet të zgjidhni.
Në vend që të mendoni për lidhjen tuaj se a duhet ta leni në të kaluarën, pyesni veten: Po nëse miqtë kanë arsye të gabuar për këto këshilla? Po nëse ish-partneri juaj meriton një mundësi të dytë?
Ja 5 arsye pse ndarja mund të jetë një gabim:
1.Ju mungojnë gjërat që keni bërë për ish partnerin tuaj
Si ta kuptoni nëse vërtetë e doni dikë? Në momentin që e dëshironi lumturinë e tij, pa marrë parasysh a është me ju, ose jo!
Pas përfundimit të lidhjes, është shumë logjike që ju të ndjeni nostalgji të padurueshme dhe një ndjenjë të mungesës së gjërave që i keni bërë së bashku? Megjithatë, kjo nuk është arsye që ti ktheheni lidhjes vetëm për shkak të ndjenjës së nostalgjisë dhe mungesës së gjërave të përbashkëta. Nëse ju mungon fytyra e tij e lumtur, detaje që keni bërë për ta kthyer buzëqeshjen e tij, atëherë këto janë shenja që ju nuk jeni vetjak dhe se bëhet fjalë për dashuri të vërtetë. Dashuria e vërtetë nuk ka nevojë që të vdesë, duhet të vazhdojë të lulëzojë, apo jo?
2.Ju mungojnë edhe gjërat e “këqija”
Kur dashuroni dikë, konfliktet e vogla apo zënkat e herëpashershme vetëm se e përforcojnë marrëdhënien tuaj. Ashtu siç ndodhë në palestër, pa dhimbje dhe përpjekje nuk ka rezultate të mira.
Nëse i ktheheni pas kujtimeve kur keni pasur ndonjë konflikt apo zënkë dhe pajtimi i menjëhershëm i juaji ka qenë moment më i bukur, dhe se arsyeja e konfliktit ka qenë i parëndësishëm, definitivisht duhet ta mendoni nëse ndarja ka qenë një vendim i mirë.
3.Mendoni se momentet më të mira që i përjetoni do ti kalonit edhe më mirë në praninë e tij
Një nga treguesit e dashurisë është se të gjitha momentet dëshironi ti ndani së bashku me partnerin, si ato të mira, por edhe ato më trishtueset apo të hidhurat. Nëse ende mendoni për ato momente që keni pasur përkrahjen e tij dhe se do ndjeheshit më mirë sikur ti përjetonit së bashku me të, ju duhet patjetër ti bëni disa pyetje vetes për arsyen e ndarjes.
4.Tentoni ta bëni xheloz
Po, thonë se hakmarrja është treguesi më i mirë për ti treguar partnerit se ju jeni të lumtur pa të. Megjithatë, nëse ju tentoni ta bëni atë xheloz, ndërsa veten të lumtur, ju nuk do të arrini sukses. Për çfarë? Njerëzit të cilët kënaqen me lumturinë e tyre, nuk kanë kohë të merreni me xhelozinë e tjetrit. Nëse ju ende shqetësoheni se çfarë mendon ai për ju, ndoshta është një shenjë se duhet ta ktheni partnerin në jetën tuaj.
5.Të gjithë meshkujt potencial i krahasoni me ish partnerin tuaj (dhe, asnjëri nuk e zëvendëson atë)
Thellë në zemrën tuaj ende mendoni për gjërat e veçanta rreth tij dhe e keni të vështirë t’i kompensoni tek dikush tjetër. Megjithatë, nëse dashuria juaj dhe pëlqimi për të nuk kanë qenë mjaftueshëm të fortë, kjo lidhje shumë shpejt do të zbehet.
