Yjet nuk janë si ne, por pavarësisht se shpenzojnë mijëra dollarë sërish duken si njëra-tjetra.
Nuk është çudi pse ky stil i kostumit “Gucci” i ka rrëmbyer zemrën “Hollywood”-it: super-shkëlqimi të tërheq vëmendjen dhe është festiv. Ndoshta kjo është arsyeja pse kaq shumë të famshme zgjodhën këtë veshje gjatë festave, për ndonjë rast të veçantë apo për daljet në revista.
“Iconstyle.al” kujton se deri më tani dy këngëtare të famshme shqiptare Bebe Rexha dhe Dua Lipa janë dashuruar pas tij, por nuk janë të vetmet. Dhe për ju që nuk e kishit vënë re, Jennifer Lopez dhe motra e Beyonce, Solange, gjithashtu e bënë këtë komplet pjesë të gardërobës së tyre.
Dhe normalisht që gjithë ky shkëlqim duhet të paguhet me plot 7.680 dollarë.
Çfarë e bën të veçantë?
Kristale të vogla janë të qëndisura në të gjithë pulovrën dhe pantallonat prej mëndafshi, duke dhënë si rezultat një shkëlqim marramendës.
Fillimisht e pamë të veshur nga Bebe Rexha më 13 dhjetor të vitit të kaluar, e cila kishte zgjedhur të kombinonte pantallonat 3,980 dollarë me një kanatiere të zezë të thjeshtë. Me këtë kombinim ajo u paraqit për të performuar te “NBC’s The Voice”.
Më 28 dhjetor, kjo veshje tërhoqi të gjithë vëmendjen në trupin e Jennifer Lopez. Këngëtarja kishte zgjedhur të gjithë kompletin dhe ishte ky momenti kur kuptuam se e donim në gardërobën tonë.
Ndërsa motra e Beyonce, Solange, zgjodhi këtë veshje për të pozuar për revistën “Glamour”.
Dhe e fundit (por jo më pak e rëndësishmja) Dua Lipa i pëlqeu aq shumë kombinimi që i kishte bërë “Gucci”, sa vendosi të mos ndryshonte asgjë prej saj, veç aksesorëve. Ajo e kombinoi kompletin me çorapet “Gucci”, 155 dollarë dhe sandalet e së njëjtës markë, 890 dollarë, teksa pozoi për revistën “Refinery29”.
“Herë pas here, moda mund të të bëjë të ndihesh e pamposhtur. Nuk e di nëse më ka shpëtuar, por e kam ndjerë si një mburojë shpesh. Mendoj se ka qenë një mjet për të gjetur dhe për të shprehur veten, në një mënyrë që kurrë nuk mund ta bëja me fjalë”, u shpreh Dua Lipa.
Dhe mendojmë se me këtë veshje ka arritur të na e shpreh: Do të shkëlqejë gjithmonë!
