Ndërsa Dua Lipa performonte dhe shkruante këngët e saj, ajo jetonte me familjen në një banesë sociale në Londër deri vitin e kaluar, ndërsa priste që t’i kalonin në llogarinë e saj të ardhurat.
“The Sun” sjell detaje nga e kaluara e këngëtares me origjinë shqiptare, duke kontaktuar mikeshën dhe ish-fqinjët e saj.
24-vjeçarja Zana Veseli, shoqja e ngushtë me të cilën Dua njihet që kur ishin fëmijë, thotë se karriera nuk e ka ndryshuar aspak këngëtaren.
“Dua është i njëjti person që ka qenë gjithmonë. Gjithë jetën donte të ishte një yll pop-i. Ta shohësh atë që fiton kaq shumë çmime është thjesht e mrekullueshme”, shprehet mikja e saj.
Fqinja Ana Antunes tregon se, e shikonte Duan kur kthehej në shtëpinë me tre shtretër, pasi festonte në klubet e natës.
“Është e mrekullueshme të shikosh sesi arriti deri këtu, ndërkohë që familja e saj erdhi nga asgjëja. Kjo ndërtesë është shtëpi për njerëz të zakonshëm nga Lindja e Mesme, Somalia dhe Xhamajka. Isha dy dyer më larg apartamentit të tyre dhe e shikoja Duan gjithë kohës. Ajo vishej me xhinse, xhaketa dhe atlete, shumë thjesht. S’do ta kishit menduar kurrë se ajo do të bëhej një ditë e famshme. E shikoja ndonjëherë kur kthehej në orën 2:00 me një grup miqsh. Ishin shumë në qejf dhe bërtisnin me të madhe. Babai i saj ishte shumë i pashëm. Ai i dërgonte në shtëpi me makinë. Dukeshin një familje shumë e këndshme”, thotë 55-vjeçarja.
Ndërsa vajza e saj tregon se, babai i Duas ishte shumë i sjellshëm:
“E ëma përshëndeste, por ishte disi më e qetë. Ne u habitëm kur mësuam se Dua e famshme ishte pikërisht vajza e tyre”.
Burimi: The Sun
