Nga daljet në plazh në Libi me miqtë e tij dhe me shokët e tjerë në Mançester, ky është adoleshenti që u kthye në terrorist.
22-vjeçari Salman Abedi thuhet se kishte një jetë normale dhe vazhdonte studimet për ekonomi. Fqinjtë e cilësonin atë si një “fytyrë të urryer”, por thonë se adoleshenti kishte shumë miq.
Sipas tyre, kohët e fundit djali vinte vonë në shtëpi dhe mendohet se gjatë gjithë kësaj kohe ai ka qenë duke u përgatitur.
Vëllai i terrositet, Hashim, mësohet se kishte postuar komente në mbështetje të ISIS. Ai kishte treguar interes për xhihadistin Reyaad Khan, i cili mbeti i vrarë pas disa bombardimeve. Ndërsa vëllai i tij më i madh, 23-vjeçari Ismail u arrestua si i përfshirë në shpërthimin me bombë.
Miqtë dhe të afërmit e terroristit thonë se ai bënte një jetë normale prej adoleshenti, fans i Manchester United dhe kalonte orë të tëra duke lozur me PS4.
Por gjithçka ndryshoi në vitin 2011 kur babai i tij u largua papritmas nga puna dhe shtëpia për të luftuar në Libi, duke lënë familjen e tij të vetme.
Abedi dhe vëllezërit e tij duket se kanë ndjekur hapat e tij duke ndarë tregimet e xhihadistëve britanikë që luftonin në Siri në rrjetet sociale dhe madje duke u lutur në rrugë.
Gjithashtu mësohet se ai ka edhe një motër 18-vjeçare, rrjetet sociale të së cilës ngrenë dyshime.
Ajo ka dy llogari në “Facebook”, të cilat janë krejt të ndryshme nga njëra-tjetra. Në njërën prej tyre ajo përmend Allahun dhe shpjegon për miqtë e saj nevojën që ka për ta praktikuar këtë përmes veshjeve tipike islamike. Por nga ana tjetër, ka postuar foto të cilat nuk përputhen me atë që ajo predikon.
Mësohet se 18-vjeçarja punonte në xhami që nga viti 2013 dhe ndërkohë idhulli i saj ishte Kim Kardashian.
Sipas autoriteteve angleze thuhet se ajo ka lindur në Manchester, por në profilin e saj të “Facebook”-ut shkruan se origjinën e ka nga Tripoli. “Corriere della Sera” ka pretenduar fillimisht se këto foto nuk i përkasin asaj, por në fakt, janë të modeles kanadeze Janice Joostema.
Motra e Abedi, Jomana, ndoqi shkollën në Whalley Range, institucion arsimor i cili mbuloi mediat në vitin 2015, kur studentët binjakë të mjekësisë Zahra dhe Salma Halane, u larguan nga shtëpitë e tyre dhe u shpërngulën në Sirinë e kontrolluar nga ISIS pasi u rekrutuan nga Hostey.
Në profilin e saj gjetëm edhe disa imazhe të një vajze me ferexhe, që mendohet se është ajo.
Burimi: Daily Mail/ Corriere della Sera
