Le të tregohemi të sinqertë, fotografia e mjeteve identifikuese mund të jetë versioni më i keq dhe poza më pak e bukur e shpesh mundohemi tua fshehim të tjerëve. Duke qenë se aparati fotografik nuk ka shkuar ende aty sa të ketë disa filtra natyral si të Snapchat fotot e pasaportave apo kartave të identitetit janë tmerri i një pjese dërrmuese prej nesh.
Megjithatë ka një mënyrë që edhe në foton e kartës së identitetit, patentës apo pasaportës të dalim mirë ! Hidhini një sy hapave për të dalë në foto sa më bukur.
Një natë më parë, bëni një maskë fytyre dhe bëjeni gjumin të plotë. Në mëngjes do të zgjoheni të çlodhur e ngjyra e lëkurë suaj do të jetë e bukur natyrale.
Krihini flokët e bëni një tualet të lehtë që ju shkon sipas fizionomisë së fytyrës. Nuk është nevoja të ngarkoheni shumë.
Kini kujdes se çfarë do të vishni. Golfet apo bluzat me jakë V do të bëjnë që qafa juaj të ngjajë shumë e shkurtër apo e kundërta, ndaj rekomandohet që modeli më i përshtatshëm të jetë jaka sy apo rrumbullake.Qëndroni larg ngjyrave shumë të zbehta (pastel) apo ngjyrave të forta.
Merrni fyrmë thellë dhe relaksojeni fytyrën. Mos bëni mimika dhe para se aparati të shkrepet, anojeni pak kokën nga ana juaj e mirë*, por aq sa fotografi mos t’ju detyrojë të rrini drejt.
