Të tjera detaje po dalin në dritë lidhur me martesën e shumëpërfolur të Jlo dhe Ben. Tashmë shumë burime po tregojnë se pas martesës, Ben është shndërruar në ‘kukullën’ e këngëtares dhe aktores së njohur.
Një burim i afërt me dyshen i ka treguar “Heat Magazine” se Ben duket sikur është nga momenti në moment gati për të qarë.
“Të gjithë, duke përfshirë Ben, e dinin se çfarë do të nënkuptonte martesa me Jennifer-in, por është e vështirë të besohet se ai është 100 për qind i lumtur kur është kaq dukshëm i humbur. Është pothuajse sikur ai është kthyer në kukullën e J.Lo-s, ashtu si të gjithë djemtë e tjerë para tij, dhe ka një ndjenjë të fortë se ai e ka pranuar se kjo është rruga e tij, të paktën tani për tani. Miqtë si Matt Damon dhe vëllai i tij Casey shpresojnë që ai të dalë prej kësaj gjendjeje. I gjori duket sikur do të shpërthejë në lot në çdo moment.”
Më herët, një burim tjetër tha për “Heatworld” se tashmë kanë nisur problemet mes tyre, konkretisht për humorin e aktorit.
“Tani të gjitha emocionet e dasmës dhe muajit të mjaltit janë zhdukur, Jen është e tmerruar se Beni do të mërzitet shumë shpejt nga jeta martesore”, thekson burimi
“Ajo ndjen presion të jashtëzakonshëm për ta bërë këtë martesë të suksesshme dhe po bën gjithçka që mundet për ta mbajtur Benin të lumtur. Ajo nuk dëshiron një divorc”.
