Diva e muzikës pop, Jennifer Lopez është shpallur si një ndër 100 personat më influencues në botë, sipas revistës “Time”.
Bukuroshja ka pozuar për kopertinën e revistës dhe duket thjesht fenomenale në foton që ka publikuar në Instagram.
Këngëtarja ka publikuar edhe një video ku flet për vështirësitë në karrierë dhe sesi ka dashur gjithmonë që të jetë një vajzë dhe jo të definohet për nga origjina e saj spanjolle.
“Nuk kam lënë asnjeri të më vendosë në një kuti dhe të më thotë ‘bëj këtë’, ‘mos bëj atë”, shprehet JLO.
Mbështetësja e saj më e madhe nga Shqipëria është moderatorja Luana Vjollca e cila ka komentuar në videon e publikuar nga JLO. Luana është dakord me faktin që Jennifer është një nga femrat më influencuese ndërsa i lë dhe një koment mbështetës: “Kaq e vërtetë”.
Nuk dihet nëse dhe Luana ka kaluar të njëjtat vështirësi si diva e muzikës, por me sa duket Jennifer Lopez është një nga femrat që frymëzon moderatoren shqiptare.
