Dy ditë pas lajmit të fejesës së Jennifer Lopez me Alex Rodriguez, është shfaqur ish-i dashuri balerin i këngëtares.
Lajmi për fejesën e ish-it, duket se nuk ka ndikuar aspak te Casper Smart, i cili është fotografuar nën shoqërinë e një bruneje seksi, teksa bënin plazh në Miami të hënën pasdite.
Balerini 31-vjeçar dukej mjaft i dashuruar pas partneres së tij me të cilën pati disa momente intime me puthje dhe përqafime para se të dilnin në breg.
Casper, emri i vërtetë i të cilit është Beau, flirtonte vazhdimisht me modelen e njohur në Instagram me emrin @officialcoca.
Casper dhe Jennifer Lopez kanë pasur një marrëdhënie me shkëputje për pesë vjet përpara se t’i jepnin fund në fund të vitit 2016.
Lopez më vonë tha për Ellen DeGeneres se diferenca shumë e diskutuar e moshës së tyre nuk kishte të bënte me fundin e marrëdhënies së tyre.
