Je gjithmonë në kërkim të aventurave, nuk ke frikë nga rreziku dhe gjithmonë gati për t’u hedhur drejt të papriturave! Nëse e ke këtë ndjesi atëherë hynë tek njerëzit, që karakterizohen nga një gjen i veçantë.
Studimet gjatë viteve kanë treguar një lidhje mes një teprie të dopaminës në tru dhe prirjes për t’u angazhuar, në sjellje impulsive dhe të rrezikshme. Kjo dopaminë në tepricë është shoqërizuar gjithashtu me një variant specifik të gjenit DRD4, që kodon një tip të vetëm të një receptori të dopaminës, të quajtur aleli 7R+ . Ndërsa ky variacion gjenetik ka qenë i lidhur më parë me çështje si kumari dhe varësia, mund të shpjegohet gjithashtu edhe me padurimin për të udhëtuar.
Justin Garcia, një biolog evolucionar në Institutin Kinsey të Universitetit të Indianas, ka thënë se gjeni DRD4 si edhe dopamina ekstra mund të ketë ndihmuar për ta provokuar njeriun prehistorik të dalë nga shtëpia dhe të eksplorojë territore të tjerë me shpresë për të gjetur ushqim, çiftëzim dhe strehë. Megjithëse këto nevoja mbijetese nuk luajnë rol tani, ai sfond biologjik mund të ketë ndryshuar në një dëshirë për bredhje në kohët moderne.
Garcia ka thënë se DRD4 mund të sqarojë se përse disa e shohin udhëtimin si emocionues dhe të tjerët e shohin si tmerrues. J. Koji Lum, një antropolog në Universitetin e Binghamton ia ka sqaruar këtë koncept të mëtejshëm shkrimtares Kayt Sukel në librin e saj, “Arti i Rrezikut”.
“DRD4 është një gjen, sigurisht, kontributi i tij në çdo sjellje komplekse po bëhet i vogël. Por këto diferenca të vogla po shtohen. Në një farë shtrirjeje, rreziku i ndërmarrë është thjesht një algoritëm në kokën tuaj. Variantet e ndryshme gjenetike do të thonë se algoritmet janë lehtësisht nivele të ndryshëm në njerëz të ndryshëm. Nga kjo vjen gjithçka: Njerëzit vënë në punë algoritme të ndryshëm që ndihmojnë në përkufizimin se duan apo jo të marrin një rrezik. Dhe kohët e fundit, ajo diferencë e vogël në algoritëm përfundon në jetë të jetuara krejt ndryshëm”.
Ndaj, nëse njerëzit mendojnë se je i çmendur apo e çmendur se dëshiron të shohësh botën, dijeni se impulsi juaj mund t’i ketë rrënjët në biologji.
Burimi: Travel and Leisure
