“Squid Game” do të ketë një sezon të dytë dhe kjo është e konfirmuar, por se si do të vazhdojë drama distopike kjo ende nuk dihet. Megjithatë krijuesi i serialit, Hwang Dong-hyuk ka thënë se sezoni i dytë do të ketë një kthesë të errët.
Shkrimtari dhe regjisori i hitit masiv të “Netflix” – i cili u pa nga mbi 142 milionë familje – u shpreh se ai nuk ishte vërtet gati për të diskutuar seriozisht për sezonin e dytë, por dha një pasqyrë në drejtimin që ai mund të merrte.
“Unë nuk jam vërtet në vendin e duhur për të diskutuar sezonin e dytë në një mënyrë zyrtare, por nëse do të kishte një sezon 2, në sezonin e parë që pamë Gi-hun [Lee-Jung-jae] është një personazh, humaniteti i të cilit tregohet ose ekspozohet në situata të caktuara. Me fjalë të tjera, humanizmi i tij tregohet në një mënyrë shumë pasive. Por do të mendoja se në sezonin e dytë, atë që ai ka mësuar nga ndeshjet dhe përvoja e tij në sezonin e parë, të gjitha do të vihen në përdorim në një mënyrë më aktive”, tha ai.
Ai zbuloi se edhe personazhi i njohur si “Front Man” duhet të kalojë gjithashtu në një provë, ndërsa tha me humor se nëse ai do të ishte “Front Man”, do të ishte më i frikshmi që është parë ndonjëherë.
