Për shkak të pandemisë së koronavirusit, edicioni i 93-të i ceremonies së shpërblimeve prestigjioze “Oscar”, do të zhvillohet ndryshe këtë vit.
Organizatorët e kësaj ngjarjeje madhore të kinematografisë, po bëjnë përpjekje të vazhdueshme të sigurojnë emra të njohur të skenës për t’i ndarë shpërblimet e kategorive të ndryshme, gjatë ceremonisë së organizuar pjesërisht në formatin e rregullt, dhe e cila transmetohet live më 25 prill.
Pas një viti të kaluar të rrënuar nga pandemia, Oscar kthehet si kurrë më parë këtë të dielë.
Mes protokolleve COVID-19, çmimet do të ndahen për më të mirët nga më të mirët në Hollywood.
Ku mund të shikoj ‘Oscar’?
Çmimet e Akademisë të së Dielës transmetohen në ABC dhe gjithashtu mund të shikohen në aplikacionin ABC. Ekzistojnë edhe mundësi të tjera të transmetueshme, përfshirë Kanalin Roku, YouTube TV dhe Hulu me TV Live.
Nëse doni edhe më shumë përmbajtje Oscar, faqja e Akademisë në Facebook do të ofrojë intervista të drejtpërdrejta me fituesit e Oskareve jashtë skenës, ndërsa burimi i Akademisë në Instagram do të përmbajë përmbajtje nga seancat ekskluzive të fotove dhe tapetin e kuq të Oskareve.
Kush lejohet që të marrë pjesë?
Vetëm të nominuarit, të ftuarit dhe prezantuesit do të jenë të pranishëm, duke kaluar nëpër raunde të shumta testimi dhe një periudhë të kërkuar karantine.
Si do të duket?
Të nominuarit dhe të ftuarit e tyre do të ulen në tavolina për dy brenda sallave së Biletave të Union Station, të rrethuar nga një galeri fotografish e të nominuarve.
Përveç listës dukshëm më të vogël të mysafirëve të pranishëm në sallë, organizatorët kanë njoftuar se ngjarjet, “Oscar Nominees Luncheon” e cila tradicionalisht mbahet pak ditë para këtij shou dhe “Governor’s Ball” që zë vend pas ceremonisë shpërblyese, janë anuluar për këtë vit.
Edicioni i 93-të i ngjarjes më të rëndësishme kinematografike në botë, do të mbahet sonte, më 25 prill 2021 dhe do të transmetohet live në kanalin “ABC”, dhe në më shumë se 225 shtete të botës.
