Sara Hoxha është në pritje të ëmbël për herë të tretë dhe tashmë ndodhet në muajin e gjashtë. Në foton e postuar së fundmi në llogarinë e saj në Instagram, ajo ka treguar barkun e rrumbullakosur dhe mund të themi pa dyshim që shtatzania i shkon shumë.
View this post on Instagram
Sara ka treguar se nuk kanë gjetur një emër për vajzën, madje janë ende në dilemë.
“Unë zakonisht dal flas për intervista kur kam një projekt të madh siç është projekti im për momentin. Jam gjashtë muajshe, me dy fëmijët e parë ishte vendosur që në muajin e dytë, por goca e Ledionit është më e veçantë se sa çunat e Ledionit dhe asgjë nuk e bind për momentin. Ma ndërron edhe akoma jemi pak në dilemë”- u shpreh Sara.
Kujtojmë se çifti i njohur kanë dy djem, London dhe Roman, të cilët së shpejti do të bëhen me një motër. Çifti janë shprehur mjaft të emocionuar që do bëhen me vajzë.
Por ajo që duket se i ka mbetur peng të dyve është fakti që të tre fëmijët nuk mundën ta njihnin gjyshin e tyre. Ledioni u shpreh se përsa i përket babait të bashkëshortes së tij, Dritan Hoxhës, ai i mungon në forma nga më të ndryshmet.
