Greta Koçi po shijon suksesin e këngës së saj më të fundit “Lum kush m’ka” që është një ripunim i këngës së vjetër popullore shqiptare.
Por këngëtarja ende nuk na e ka treguar emrin e fatlumit të saj! E ftuar sot në emisionin “Rudina” Greta u shpreh se aktualisht është shumë e lumtur me jetën e saj.
Ajo theksoi se dëshiron ta mbajë private këtë pjesë dhe nëse partneri i saj nuk do të jetë një personazh publik atëherë nuk ka arsye ta bëjë publike.
“Jam shumë e lumtur me jetën time. Kjo pjesë dua të ngelet private, është kuriozitet i madh por dua ta ruaj timen. Nëse i dashuri nuk do të jetë njeri publik, nuk ka përse. Tani jam shumë ok dhe shumë e lumtur”.
Në përpjekje për t’i nxjerrë ndonjë detaj, moderatorja Rudina kishte përgatitur një insert me një parashikim të astrologes Meri Shehu, e cila i tha Gretës se është koha e duhur për të shpallur dashurinë dhe për t’u martuar.
“Të shpresojmë që po”, u shpreh Greta duke shtuar se aktualisht “jemi në ujëra të mira” sa i përket një njoftimi të afërt që do të na vijë këtë vit nga vetë ajo.
Epo shpresojmë që herën tjetër të na tregojë emrin e fatlumit!
