Pas festës së ditëlindjes të Armina Mevlanit, u dysha se blogerja po kalonte një krizë në çift me Shkëlzen Berishën. Ky i fundit nuk i bëri asnjë urim publik partneres, siç ka bërë çdo vit dhe për më tepër Armina nuk tregoi nëse ai i kishte bërë apo jo ndonjë dhuratë. Kështu menjëherë lindën dyshimet se ata po kalonin një moment të vështirë në marrëdhënie e se mund të kishin shkuar edhe drejt ndarjes.
Por më vonë Armina i hodhi poshtë të gjitha këto dyshime pasi zbuloi gjithë dhuratat që kishte marrë për ditëlindje. Ajo publikoi në Instagram një foto të saj, në të cilën shfaqej e rrethuar me disa tufa lulesh dhe tregoi se të gjitha i ishte marrë nga familjarët, miqtë dhe partneri i saj.
“Falënderuese për miqtë e mi, familjen time, dashurinë time për lulet e mrekullueshme dhe që më keni bërë të ndihem e bekuar”, shkroi Armina në një postim.
Ndërkohë më herët, ajo ka publikuar një video nga festa e ditëlindjes, e cila zbulon gjithçka për marrëdhënien e saj me Shkëlzenin. Në video ata të dy shfaqen duke kërcyer me njëri-tjetrin dhe në një tjetër Shkëlzeni shihet duke përqafuar Arminën në momentin që afrohet torta dhe ajo emocionohet. Pamjet tregojnë se mes tyre çdo gjë po shkon më së miri dhe ata vazhdojnë të jenë të dashuruar njësoj si ditën e parë.
View this post on Instagram
Së fundmi, ajo ka vendosur që ta konfirmojë më gojën e saj që këto lajme që qarkullojnë lart e poshtë janë të rreme pasi ajo dhe Shkëlzeni janë bashkë dhe shumë të lumtur madje.
“Jeni ndarë më Shkëlzenin sepse kështu aludohet në media?”, e ka pyetur ndjekësi/ja.
“Fake news, jemi bashkë dhe jemi të lumtur”, ka shkruar Armina krahas fotos me dashurinë e saj.
