Pas një ‘Prime’ plot surpriza, diskutime, ballafaqime mes banorëve, debate të shumta janë ndezur dhe mëngjesin e sotëm brenda shtëpisë së ‘BBVK’. Kanë qenë ata, Blerando dhe Shqipe, dy prej banorëve më të përfolur të cilët janë përfshirë në diskutime të ashpra mes njeri-tjetrit.
‘Nuk të kuptoj sepse je si ajo radioja që ndizet në mëngjes, dhe veç vazhdon kot.’- kanë qenë këto fjalët e drejtuara nga Blerando për Shqipen. E sakaq në anën tjetër qëndron kjo e fundit e cila tepër serioze i kthehet: ‘Shpresoj të marrësh vesh në ‘Prime’, se vetëm atje kupton ti.’
Mbetet për t’u parë se çfarë marrdhënie do të kenë dy banorët, dhe sesi do të jetë sjellja e Blerandos përgjatë ditëve në vazhdim, duke marr parasysh që banorja e tij e preferuar, Alba, përfundoi rrugëtimin e saj në ‘BBVK’ mbrëmjen e së hënës.
