Në natën e parë të festivalit Sanremo, aktorja Rocío Muñoz Morales dhe bashkëshorti i saj, Raoul Bova zgjodhën skenën e teatrit Ariston për të festuar dashurinë e tyre, me dedikime romantike dhe dhurata.
Partneri i saj u prezantua më herët në një mënyrë të veçantë nga Maria De Filippi dhe Carlo Conti, nëpërmjet një prezantimi të shkurtër me video. Aktorja spanjolle e serialit “Un Passo dal Cielo 4” që transmetohet në RAI 1, u bashkua me partnerin italian në fund të mbrëmjes, për të bërë kështu daljen e tyre të parë të përbashkët në skenë.
Së bashku që nga viti 2013, Rocío Muñoz Morales dhe Raoul Bova zgjodhën Sanremo 2017 për të festuar dashurinë e tyre. Çifti ka qenë gjithmonë i rezervuar për jetën private, ndërsa mbrëmjen e djeshme ata dhuruan një skenë vërtet romantike për publikun: Rocío i dhuroi atij një trëndafil, dhe ai një buqetë me lule dhe më pas një puthje që i bëri të gjithë xhelozë.
“E shikoj si të shkëlqejnë sytë”, i tha Rocio Raul Bovës. Dhe ai ia priti plot romanticitet:
“Ti ke një fustan në formë ylli, dhe e di pse: sepse je qielli im”.
*Shfleto galerinë
