“Sex and the City” vazhdon të mbetet një nga serialet tanë më të dashur dhe miqësia mes katër aktoreve dukej aq e vërtetë. Por në fakt nuk qëndroi e tillë deri në fund!
Kim Cattrall kritikoi rëndë ish-partneren e saj në serialin “Sex and the City”, Sarah Jessica Parker, pasi kjo e fundit e ngushëlloi për vdekjen e të vëllait.
Përmes një reagimi në “Instagram”, Cattrall shkruante: “Përpjekja juaj e vazhdueshme është një kujtesë e dhimbshme sesa e ashpër ke qenë atëherë dhe tani”.
Të premten, Parker tha në një televizion se i kishte dërguar “dashuri dhe ngushëllime” ish-partneres së saj në serialin e famshëm.
Vëllai i Cattrall, 55-vjeçari Chris u gjet i vdekur të dielën e kaluar, pasi kishte humbur më parë i larguar nga shtëpia e tij në Alberta të Kanadasë. Aktorja e njoftoi vdekjen e tij në “Twitter”, po atë ditë, e më pas kërkoi të ruhej privatësia.
Në shtator, Cattrall kishte përjashtuar mundësinë e xhirimit të serisë së tretë të “Sex and the City”, duke thënë se marrëdhënia e saj me ish-yjet e tjerë të serialit ishte “toksike”.
Në postimin e fundit në Instagram, Cattrall shkruante gjithashtu se e ëma e kishte pyetur se “kur do ta linte të qetë ajo hipokritja Sarah Jessica Parker”.
“Më lejo ta bëj edhe njëherë të qartë, nëse nuk e kam bërë deri tani. Ti nuk je familja ime, nuk je as mikja ime. Kështu që po të shkruaj të të them për herë të fundit…mjaft shfrytëzove tragjedinë tonë në përpjekje për të rikthyer imazhin e vajzës së mirë”.
Mesazhin, ajo e shoqëroi edhe me një artikull të “New York Post”, ku thuhej se ka pasur tensione mes saj dhe Parker gjatë filmimeve të “Sex and the City”. Artikulli shtonte gjithashtu se dy yjet e atij seriali nuk kanë folur që prej mbylljes së serisë së fundit në vitin 2004.
Shtatorin e kaluar, Parker njoftoi se nuk do të ishte pjesë e serialit të ri. Por ajo mohoi raportimet në media se ishin kërkesat e saj të larta që e bënë të pamundur xhirimin e pjesës së tretë, duke theksuar se ajo thjesht nuk donte të merrte pjesë.
Por, a është Parker tërësisht e pafajshme apo Kim ka arsye për zemërimin e saj?
“Daily Mail” shkruan se kishte kohë, kur dy aktoret nuk flisnin asnjë fjalë me njëra-tjetrën, përveç skriptit, pavarësisht se xhironin për 15 orë në ditë. E njëjta gjë ndodhte edhe me dy aktoret e tjera, Cynthia Nixon dhe Kristin Davis. Tre aktoret madje hanin drekë të ndara nga Kim, sipas burimeve brenda xhirimeve.
Arsyet ishin shumë: përgjatë viteve argumentat variuan nga gjithçka, nga statusi te paratë, apo herët e skenave nudo. Sarah Jessica Parker duhet t’i mbante veshur reçipetat, ndërsa Kim, në rolin e Samantha Jones, i kërkohej që të zhvishej gjithmonë.
Po veçanërisht, zënka u shtua për faktin se kush nga aktoret ishte ylli i vërtetë. Pagesa e Parker, e cila luan rolin e Carrie Bradshaw, u rrit nga viti 1998-2004, ndërsa e Kim jo, pavarësisht protestave të saj.
Situata u bë aq e pakëndshme për Kim sa, vendosi që të mos binte dakord për një film të tretë.
Burimi: Daily Mail
