Mbani ritmin: Pasi Trejsi Sejdini ofendoi Encën në studion e emisionit “Why Not” disa muaj më parë dhe Enca ia ktheu kusurin në studion e “Xing me Ermalin” fundjavën e kaluar, Roza Lati gjithashtu është përfshirë në këtë çështje (si drejtuese e emisionit ku lindi sherri) duke bërë mbrëmjen e djeshme një seri të gjatë Insta Story-sh ku ironizonte e madje ofendonte këngëtaren.
Morët frymë? Ok, sepse tani është Enca ajo që ka reaguar sërish në lidhje me këtë çështje.
Në orët e vona të mbrëmjes, këngëtarja ka postuar një video ku shfaqet duke kënduar këngën e saj të re dhe ka përzgjedhur pikërisht vargjet “Ti je xheloze për mua!” Auuuch…
Dhe si të mos mjaftonte teksti i këngës, ajo gjithashtu ka shkruar: “Mund të gjesh veten këtu zemër.”
Shkurtimisht, Encës duket se nuk i kanë bërë përshtypje fjalët e Roza Latit e cila përtej ironive në lidhje me pamjen e karrierën e Encës, zbuloi për herë të parë se ishte e zgjënjyer nga këngëtarja për faktin se ishte ajo që e kishte ndihmuar me promovimin në hapat e parë të karrierës dhe sapo Enca ishte bërë e famshme, nuk kishte shkelur më në emisionin e saj.
“Është e vërtetë vetëm pjesa që unë artistes në fjalë i kam bërë ftesën për në studion time.”, shkruajti Roza, “Sepse kam qenë e para që e kam mbështetur këtu e 7 vjet më parë, kur kam patur emisionin ‘Fun Page’. Atëherë kur s’të dhiste njeri, ishte kjo Roza Lati që ngriti zërin dhe të dha suport, duke thënë: “Dëgjojeni se do bëhet dikushi”.
Megjithatë, pasi e quajti “mosmirënjohëse” Encën, Roza ka dhënë një tjetër lajm lidhur më një projekt të ri që do të sjellë me shumë gjasa në televizion së shpejti.
Moderatorja bëri të ditur se projekti i saj më i ri titullohet “Bukë me vete” dhe pjesë e tij do të jetë gjithashtu dhe ish-Miss Universe Albania Trejsi Sejdini, si dhe një tjetër bukuroshe, emri i së cilës nuk është zbuluar ende.
