Ashtu siç pritej “Nallane 3” u publikua dhe të gjithë ishim gjithë vesh të dëgjonim fjalët e tekstit.
E nëse në dy këngët e para kantautorin e mirënjohur Florian Mumajesin e ka shoqëruar Dj Vicky, “Nallanes” së tretë i është bashkuar Arilena Ara.
Duket se Arilena i është përshtatur mjaft mirë stilit dhe “çmendurisë” së Florit e Vicky-t, duke na dhënë përshtypjen se mes tyre ka pasur një kimi, për t’u pasur zili.
“Vetëm energjia mund të bënte bashkë tre njerëz të çmendur”, ka qenë ky reagimi që këngëtarja ka pasur për këtë bashkëpunim të parë me “Threedots”.
Ky projekt tejet i veçantë (ide e Flori Mumajesit që në fillimet e krijimit të tij), duket se është një gjetje për videoklipet shqiptare dhe tashmë e kthyer në traditë.
Por ajo që vëmë re në këtë projekt të ri është një Flori, më i dashur dhe romantik. Gjestet dhe puthjet me Arilenën e vërtetojnë më së miri këtë fakt.
“Ti po don “ass”, ajo është “smart ass”, janë këto disa nga fjalët që na bëjnë përshtypje, kjo pas largimit të Elvana Gjatës nga shtëpia diskografike.
“Kush mendjen ta ka mbush, gabim, mundohu ti sa të dush”, vazhdon më tej.
Tani na mbetet vetëm ta shijojmë!
