Mëngjesin e së premtes, Jay Z publikoi albumin e tij të 13-të. Albumi është aktualisht ekskluziv i “Tidal” dhe fansat kanë ndarë në mediat sociale përshtypjet e tyre të para lidhur me 10 këngët. Por një në veçanti ka kapur vëmendjen e të gjithëve.
“Family Feud”, kënga e 6-të në album, nuk flet për gjë tjetër veç Beyonce-s. Duke pasur parasysh titullin, ju mund të prisni një tregim të sfidës së tyre për të ngritur një familje sëbashku, nën trysninë e famës.
Dhe një pjesë e teksteve duket se adresojnë drejtpërdrejt thashethemet e tradhtisë (dhe pastaj faljes), që lidhet me albumin e Beyonce.
Në refrenin e këngës reperi thotë “Askush nuk fiton, kur familja grindet”, madje përmend edhe emrin “Becky me flokët e bukura”, e cila shumë besonin se ishte vajza me të cilën Jay Z ka tradhtuar Beyonce-n.
“Unë do të bëj një gjë të mirë nëse më lejoni / Më lër të qetë, Becky / Një njeri që nuk kujdeset për familjen e tij nuk mund të jetë i pasur”, vazhdon ai.
Gjithashtu dëgjohet edhe zëri i Beyonce-s gjatë këngës.
Albumi i tij përmban disa rreshta pendimi dhe falje për tradhti.
“Shikoni, unë kërkoj falje, shpesh u ngjitem pas femrave / U desh që fëmija im të lindë / Të shoh përmes syve të një gruaje / U deshën këta binjakë natyralë që të besoja në mrekulli / U desh kaq shumë kohë për këtë këngë”, thotë ai, duke pretenduar se fëmijët e tij e bënë të shikonte gabimet që kishte bërë.
Ai vazhdon: “Dhe në qoftë se fëmijët e dinë, nuk e di se çfarë do të bëj/ Nëse ata nuk do të më shikonin mua me të njëjtin sy / Do të vdisja prej turpit / “Ti çfarë bëre, me kë?” / Çfarë të mire ka një dashnore kur ke shpirtin binjak? / “E rrezikove këtë për Blue?”.
Burimi: Daily Mail/Cosmopolitan
