Ditën e sotme në “Për’puthen” u transmetua takimi i parë i Jasminës dhe Andit. Atë të dy u shfaqen shumë të afërt, ndërkohë që nuk munguan as thumbat në studio nga konkurrentët e tjerë. Në fakt një fjalë e thënë nga Mevlani nxiti shumë debat dhe e detyroi Jasminën të largohej nga studioja e ofenduar.
Mevlani u shpreh se vajzat shqiptare shohin më shumë X5-n se sa sjelljen e djemve, duke i cilësuar kështu të gjitha si materialiste. Jasmina e mori komentin e Mevlanit si personal, duke qenë se më herët ajo kishte shprehur pasionin për makinat.
“E bërë dhe një koment javës që shkoi, vajzat si puna jote, nëse do t’i thuash gjërat troç thuaji, mos m’i bi rreth e rrotull. Tani komenti i X5…”, u shpreh Jasmina.
Mevlani i tha se në fakt nuk e kishte atë koment për të, por në përgjithësi për të gjitha vajzat. Pas transmetimit të takimit me Andin, Jasmina refuzoi të zgjidhte se me cilin djalë do të dilte në takim javën e ardhshme, duke u shprehur se ishte me nerva.
Ndërkohë që Mevlani theksoi për të disatën herë se komentin nuk e kishte për Jasminën, kjo e fundit u largua nga studioja mes lotësh. Menjëherë pas daljes së saj e ndoqën Erlindi dhe Andi, ndërkohë që këtë të fundit e mësoi Atdheu t’i shkonte pas Jasminës, meqë kishte dhe një takim me të.
