Aktori shqiptar, i zhvendosur prej kohësh në Gjermani, Blerim Destani, ka lançuar një projekt të ri të tijin, duke u bërë pjesë e kinematografisë ndërkombëtare.
“Out of Control – The Phantom Drive”, është filmi i shumëpritur në të cilin luan aktori shqiptar. Ky i fundit ka publikuar edhe trailerin e filmit për të gjithë fansat virtualë.
Filmi aksion që ka një kast të madh aktorësh, ndër të cilët edhe aktori tjetër shqiptar Xhevdet Jashari, do të transmetohet njëkohësisht në Kinë, Korenë e Jugut, por edhe Shqipëri.
Në trailer mund të shihni skenat e fuqishme aksion, dyluftime, përplasje automjetesh, shpërthime dhe skena dashurie.
