Festa e organizuar ditën e djeshme nga Top Channel, ka mbledhur të gjithë banorët e “Big Brother VIP Albania” dhe produksionin e emisionit.
Ajo që u vu re më tepër është hyrja e aktorit Donald Veshaj, i cili u shfaq me një kostum të Spiderman-it.
Por kjo nuk ishte e vetmja gjë që u komentua nga njerëzit, pasi ajo çka ra tjetër në sy ishte vonesa e Beatrix-it në mbrëmjen e djeshme, e cila ishte shoqëruar nga vëllai i saj Alban Ramosaj. Dyshja qëndruan larg pjesës tjetër duke ngritur dyshime për raportin e këngëtares me aktorin Veshaj pas përfundimit të “Big Brother VIP”.
Por këto nuk janë dyshimet e vetme që na bëjnë të mendojmë se mes Beatrix-it dhe Donaldit mund të ketë një krisje, pasi ky i fundit nuk ka ngurruar të interpretojë këngën që i ka kushtuar Borës, “Toxic Love”.
Ndërkohë që të pranishëm në festë kanë qenë dhe Einxhel me Dagz të cilët kanë bërë edhe një foto si çift.
Nuk mungojnë Sabiani, Meridiani, Arbri, Antonela por edhe Sarah e DJ PM-i, të cilët po ashtu krijuan një histori dashurie brenda shtëpisë.
Pjesëmarrës për të ndezur atmosferën në festë do të jenë edhe disa këngëtarë më ‘in’ të momentit si Elgit Doda dhe Semi Jaupaj.
