2017-ta nisi me lajme të mira për disa nga yjet e “Hollywood”-it, të cilët do të zgjerojnë familjen, por për disa të tjerë nisi me ndarje.
Daniel Craig dhe Rachel Weisz raportohen se po hasin probleme në martesën e tyre. Sipas thashethemeve, aktori i njohur, si “Agjenti 007” dhe aktorja e “Denial”, të cilët kurorëzuan dashurinë e tyre në martesë në vitin 2011, janë pranë divorcit.
Sipas burimeve, martesa e Daniel dhe Rachel është në një situatë tepër delikate.
“Craig dhe Rachel janë duke jetuar të ndarë. Çifti ka kohë që nuk është i lumtur me njëri-tjetrin”, tha një burim për “Naughty Gossip”.
Daniel dhe Rachel kanë qenë miq me njëri-tjetrin për shumë vite me radhë, por ata ranë në dashuri gjatë xhirimeve të filmit “Dream House”. Ata nisën të shoqëroheshin me njëri-tjetrin, në dhjetor të 2010-ës dhe u martuan në qershor të 2011-ës, në një ceremoni private në Nju-Jork.
