Mbrëmë, këngëtarja Rita Ora performoi në ‘Sheshin Skënderbej’ të Tiranës dhe elektrizoi qytetin. Në skenë për publikun shqiptar u ngjit gjithashtu Ronela Hajati, e cila dhuroi një super performancë.
Pamë foto e video të Ronelës si një bishë e vërtetë, me super energji dhe performancë. Por, e dini që gjatë gjithë kësaj kohe Ronela ishte e sëmurë dhe e ka shtyrë veten e saj të japë më të mirën?
Si një artiste e vërtetë, ajo s’ka dhënë justifikime por ka mbledhur forcat të dalë në skenë, të këndojë e të performojë sikur gjendja e saj shëndetësore të mos ishte e keqe.
“S’e keni idenë sa sëmurë jam sot, por shfaqja duhet të vazhdojë siç bën gjithmonë”- shkruante ajo para performancës.
“Kam pirë gjithë farmacinë sot”- tregonte ajo.
“Mos ma vini re zërin dhe mënyrën si flas, sepse jam shumë e sëmurë dhe ndihem si e droguar sepse kam pirë gjithë ilaçet e farmacive të Tiranës.”
I doni provat që ishte një DIVA e vërtetë në skenë dhe s’u kuptua aspak gjendja e saj e keqe shëndetësore? Ja ku i keni në videon e mëposhtme:
Ronela e vërteton çdo ditë se pasioni i saj më i madh është muzika, madje edhe sakrifikon për të.
