Këngëtari i njohur Dren Abazi ka qenw njw ndwr tw ftuarit e ditws sw sotme nw “Kosherja”.
I pyetur nga moderatorja Jona Spahiu, ai ka treguar se në kampionatin “Euro 2020” të futbollit bën tifo për skudrën e Zvicrës dhe arsyeja pwr kwtw ka qenw pasi pjesë e kësaj skuadre janë shumë shqiptarë.
“Përpara se të lë të shkosh, meqë jemi në këtë atmosferën sportive doja të pyesja, bën tifo me ndonjë kombëtare?”, e ka pyetur Jona.
“Nuk është se e kam ndjekur shumë, por me të gjithë ata shqiptarë që ka Zvicra, unë jam për Kosovën e Zvicrës”, është shprehur Dreni.
Kujtojmë se një ndër lajmet më të bujshme kohë më parë ka qenë debati i bujshëm mes Romina Rudës dhe Drenit, e cila më herët ka folur në lidhje me këtë gjë.
Në një intervistë për emisionin “Vizioni i Pasdites” ajo ka treguar më herët se këngëtari nuk denjoi të kreditonte punën e Rudës si regjisore.
“Unë bëra një punë, mund të kishte qenë Dreni, mund të kishte qenë kushdo tjetër. Nuk e kam aspak personale me Drenin, e kam me fenomenin kur ti punon dhe nuk vlerësohesh për këtë gjë… ky (mos)vlerësim mund të vijë me pagesë të cunguar, mohim pagesë që na ka ndodhur shumë prej nesh (regjisorë të pavarur) dhe me mungesë kreditesh… nëse ti ke vendosur të kreditosh të gjithë stafin që ka punuar dhe vendos të lesh jashtë regjisorin, dhe t’ja mohosh të drejtën, kjo për mua është e patolerueshme, kushdo që të jesh”, u shpreh Romina Ruda.
Kur u pyet nëse ka pasur kontakt të mëtejshëm, apo një reagim nga këngëtari, Romina tha se ai i kishte pohuar se nuk e kishte ditur se regjinë e kishte bërë ajo.
“Pati reagimet e tij shumë të luhatshme në kurba emocionale dhe të mendimit. E kuptoj që ai është ndjerë i sulmuar personalisht nga kjo gje… ajo që më tha është që nuk e dija që ti po bëje regjinë… kam ngelur pa tekst”.
