Jemi mësuar gjithmonë ta shohim të kuruar deri në detaje, kur bëhet fjalë për pamjen! Monika Lubonja na mahnit gjithnjë me veshjet e saj të zgjedhura plot kujdes, që nxjerrin në pah më së miri elegancën e aktores dhe producentes shqiptare.
Mirëpo, një postim në profilin e saj së fundmi, ka tërhequr vëmendjen e fansave, teksa Monika shfaqet lakuriq pa asnjë rrobë në trup. Në foton bardhë e zi, aktorja Monika Lubonja pozon me duart e vendosura në fytyrë, ndërsa fsheh me mjeshtëri gjoksin.
Në përshkrimin e fotos, aktorja ka zgjedhur të shkruajë një poezi shqiptare, atë të Vaso Papaj me titull “Jam lakuriq”.
“Jam lakuriq.
E hodha pelerinën
Qendisur me thërmiza pushteti.
E hodha te kazani i plehrave
Dhe urova, mos ta ketë gjetur askush.
S’më kish ngrohur kurrë.
I ndarë nga njerëzit me mur,
vetja më dukej në qivur.
S’e di, nëse shpëtova shpirtin!…
S’e di, nëse fitova qetësinë!…
Miq!
Tani jam lakuriq.
Thërmizat e pushtetit
Më ngjajnë si yje
Në qiellin-pelerinë të një nate acar.
(Mijëra,… miljona,… pakëmbë e pakrye)
E prapë
Kupa e qiellit më rëndon si një e vrarë.”
Fotoja është komplimentuar nga fansat e saj, të cilët shprehen se ajo shfaqet shumë vezulluese, edhe përse vitet ikin, për të koha ka ndalur.
“Ahhh moj Monika, vitet ikin ndërkohe ty të ka ndalu ora…madje ndoshta ndoshta po ecen mbrapa sepse je gjithmonë e më vezulluese. Jam shumë i vogël në moshë ama për mua stili yt unik, le prapa shumë modele 20-vjecaresh… Te dashuroj e adhurueshmja Monika.” – shkruan një nga fansat.
“Artiste lind” – shkruan një tjetër.
Monika Lubonja shfaqet çdo të hënë në spektaklin “Dance With Me”, teksa sfidon veten në fushën e kërcimit.
