Siç e ka deklaruar gjithmonë, Tayna është një mbështetëse e madhe e figurës së femrës dhe një “luftëtare” e fortë e të drejtave të kësaj gjinie.
Reperja përpiqet të inspirojnë vajzat shqiptare të jenë të pavarura dhe të zonjat e vetes, si dhe një shembull i mirë për shoqërinë.
Këto detaje, ajo i ka gjetur edhe tek moderatorja Albana Osmani, për të cilën sot ka shprehur vlerësimin e saj të madh.
Tayna ka mbështetur Albanën për publikimin e librit të saj të ri “Çika në betejë me inteligjencën artificiale”, duke i thënë publikisht se është krenare që Shqipëria ka femra si ajo.
“Jam krenare me femrat shqiptare si ti. E bukur, e mençur, e zonja e vetes dhe e fortë. Urime për librin e ri. Dua një kopje, faleminderit”, ka shkruar Tayna krah postimit në Instastory.
Pra, tashmë e mësuam cila është një ndër moderatoret “e preferuara” të Taynës!
