Babai i futbollistit të humbur Emiliano Sala, Horacio, është i shkatërruar pas lajmit se, avioni me të cilën po udhëtonte i biri është zhdukur gjatë udhëtimit nga Franca në Angli.
Në bordin e avionit të zhdukur ishte futbollisti i njohur i “Premier Legaue”-s, Emiliano Sala, i cili u transferua nga Nanta te Cardiff City.
Babai i tij ka treguar mesazhin e fundit që kishte nisur i biri pak minuta para se avioni të zhdukej nga radarët, ku djali paralajmëronte se ishte i frikësuar pasi i dukej sikur avioni po bëhej copash.
Në regjistrimin e bërë mbrëmjen e së hënës, futbollisti 28-vjeçar nga zëri dukej i raskapirut dhe nuk ndalonte dot së thëni në spanjisht se, duhet të dërgonin dikë për ta gjetur.
Sala ndodhej vetëm me pilotin në bord, ndërsa mendohet se të dy kanë vdekur pas zbulimit të rrënojave të avionit.
Në audion e fundit të dërguar në “WhatsApp” drejt miqve të tij, ku dëgjohet zhurma e motorit në sfond, Sala thotë: “Jam në bordin e një avioni që duket sikur do të bëhet copash. Po shkoj në Cardiff tani, çmenduri. Do të trajnohem me ekipin tim të ri. Nëse nuk merrni më lajme nga unë për 1 orë e gjysmë, nuk e di nëse duhet të dërgojnë dikë që të më gjejnë. Jam i frikësuar”.
Dje helikopterë dhe anijet e shpëtimit rifilluan kërkimin për të gjetur Emiliano Sala-n. Familja e tij në Argjentinë është e dëshpëruar, ndërsa janë të trishutar për të mësuar ndonjë lajm për futbollistin.
Burimi: Daily Mail
