Muzika është në zi prej mbrëmjes së djeshme, pas lajmit tronditës për vdekjen e DJ-it të njohur Avicii. Ai u gjet i pajetë nga të afërmit, ndërsa deri më tani shkak për vdekjen e tij dyshohet varësia ndaj alkoolit.
Të shumë ishin personazhet e njohur të cilët shprehën ngushëllimet dhe dedikimet për vdekjen e talentit të njohur të muzikës elektronike.
Një prej tyre është edhe këngëtarja shqiptare, Rita Ora. Ajo dhe Avicii kanë punuar bashkë për këngën “Lonely Together”, e cila u kthye në një hit menjëherë pas publikimit.
“Nuk kam fjalë. Më kujtohet se sa e bukur ishte koha kur përgatisnim bashkëpunimin “Lonely Together” më duket sikur kemi biseduar dje. Ngushëllime për familjen e Aviciit, miqve dhe fansave që e mbështetën atë. Le të pushojë në paqe. Iku shumë shpejt. Unë jam e shkatërruar, zemërthyer”, shkroi këngëtarja shqiptare në Twitter.
