Prej kohësh, Hygerta Meta po grumbullonte brenda vetes një urrejtje të madhe për të atin por vendimi për ta fejuar e çoi atë drejt krimit të rëndë.
Vajza ka treguar detaje nga jeta e tyre në familje ku shprehet se ajo vetë dhe nëna e saj nuk kanë patur kurrë të drejtë të flisnin, pasi për gjithçka vendoste i ndjeri, Pëllumb Meta.
DËSHMIA:
Jam e lumtur që e kreva unë këtë punë dhe nuk pendohem që kam vrarë tim atë. Ai na ka torturuar dhe i ka nxirë jetën nënës sime. Unë jam fëmija i vogël i familjes. Motra është më e madhja është e martuar, janë 2 vëllezërit dhe pastaj unë. Mami dhe ne nuk kemi folur kurrë në familje. Për gjithçka fliste dhe vendoste babai. Ai nuk na pyeste kurrë çfare dëshironim. Kur mori vendimin për martesën time aty erdhi fundi. Nuk dëgjoi çfarë unë doja. M’u mblodh një urrejtje për një kohë të gjatë. Ditën e ngjarjes nuk u konfliktuam fare. Mora armën që babi përdorte kur shkonte në punë si roje dhe e qëllova brenda kasolles së bagëtive. Pas krimit e kam mbështjellë me një çarcaf pastaj me fasho e në fund me qese.
