Gjatë transmetimit të serisë së radhës të serialit të jetës së tyre motrat Kardashian-Jenner kanë rikthyer dhe një herë në vëmendje tradhtinë e Jordyn Woods.
Historia e lidhjes së Jordyn me burrin Khloe-s bëri bujë të madhe në shkurtin e këtij viti duke mbajtur të mbërthyer pas lajmeve rozë të gjithë fansat e tyre.
Gjatë këtij bashkëbisedimi Khloe thotë që mund ta merrte me mend tradhtinë e Tristan por që kurrsesi nuk e kishte menduar kurrë që Jordyn do të arrinte në këtë pikë.
“Tristan-in ne e kemi njohur të gjithë, dhe ne e dinim mirë se çfarë ishte i aftë të bënte. Mjafton të shihni çfarë bëri kur unë isha 9-muajshe shtatzënë. Por për miliona vjet nuk ma merrte mendja kush ishte me të vërtete ajo”- u shpreh Khloe.
“Ishte e rreme dhe false”-vijoi përsëri Khloe.
Kylie u shpreh se kur e mori në telefon Jordyn qante gjatë gjithë kohës dhe se i kishte thënë që është e frikësuar nga ajo.
“Unë e thirra atë dhe ajo nuk tha asgjë, ajo qante gjithë kohën dhe unë vetëm po i thashë asaj: ‘Jam e frikësuar nga ty’. Ti nuk ke menduar për Khloe-n, për True ashtu sikurse nuk ke menduar as për veten. Mund të bësh çfarë të duash, por me këtë gjë ti ke prekur familjen time dhe ky është me të vërtetë një problem”, u shpreh Kylie.
Sakaq, Kim u shpreh se është e shokuar nga fakti që ajo nuk kërkoi kurrë falje.
