Jackie Chan do të marrë një “Oscar” nderi.
Aktori i “Rush Hour” dhe redaktori i filmit, Anne V. Coates, drejtori i kastit, Lynn Stalmaster dhe regjisori i dokumentarëve, Frederick Wiseman, do të marrin çmimin e njohur si “Governor Awards” në nëntor, njoftoi të enjten Akademia e Arteve Filmike dhe Shkencave.
Presidenti i Akademisë, Cheryl Boone Isaacs, tha përmes një deklarate: “Çmimi i Nderit është krijuar për artistë, si Jackie Chan, Anne Coates, Lynn Stalmaster dhe Frederick Wiseman, pionierët e vërtetë dhe legjenda të veprave të tyre”.
Chan është duke ndjekur gjurmët e Robert Redford, i cili fitoi dhe u nderua me Oscar në vitin 2001 dhe Steve Martin, i cili mori këtë çmim në vitin 2013. “Bordi është krenar për të nderuar arritjet e tyre të jashtëzakonshme”, tha Isaacs.
62-vjeçari Jackie, i cili u përgëzua nga Akademia për “karrierën e tij të veçantë ndërkombëtare”, është i njohur për rolet e tij si aktor, shkrimtar, drejtues dhe regjisor të filmave në vendlindjen e tij në Hong Kong, si dhe për arritjet përreth globit.
Ndërkohë që fituesi i “Oscar”, redaktori Anne është i njohur mirë për punën e saj në klasikun e vitit 1962, në filmin Lawrence of Arabia dhe karrierën e tij 60-vjeçare në disa filma. Lynn ka punuar në mbi 200 filma.
Katër statujat e Oscar-it do të prezantohen në Qendrën “Hollywood & Highland”, më 12 nëntor.
Burimi: Daily Mail
