Jack Schlossberg ka zbuluar se çfarë i tha motra e tij më e madhe, Tatiana Schlossberg, përpara se të ndahej nga jeta. Në një intervistë për CBS News Sunday Morning më 1 mars, nipi 33-vjeçar i ish-presidentit John F. Kennedy dhe Jackie Kennedy Onassis tregoi se fjalët e fundit të motrës së tij ishin mbështetje për kandidaturën e tij për të përfaqësuar Distriktin e 12-të të Nju Jorkut në Kongresin amerikan.
Kur u pyet për mendimin e motrës së tij mbi kandidaturën, Jack tha: “Mund t’ju them tani se ajo ende po na mbështet.”
Fjalët e fundit të Tatiana-s për të ishin: “Më mirë fito,” – tha Jack, duke shtuar: “Askush nuk më njihte më mirë se ajo, dhe as unë nuk e njihja askënd më mirë se atë.”
Tatiana Schlossberg ndërroi jetë në moshën 35-vjeçare më 30 dhjetor, rreth një muaj pas se kishte bërë publike diagnozën e saj për leukeminë akute mieloide. Lajmin e ndarjes nga jeta e Tatiana-s e bëri të ditur Fondacioni i Bibliotekës JFK.
Jack gjithashtu foli për përvojën e tij të rritjes me dy motra, duke thënë: “Është brutale. Absolutisht brutale. Ata nuk të lënë të shpëtosh me asgjë. Stili im nuk është kurrë i mjaftueshëm. Por, në të vërtetë, ato më mësuan gjithçka që di për të qenë një person i fortë.”
Tatiana kishte dy fëmijë, djalin Edwin, lindur në 2022, dhe vajzën Josephine, lindur në 2024, me bashkëshortin George Moran. Për rolin e xhaxhait, Jack tha se ndihet “xhaxhai më i mirë.”
