Rimeli mund të jetë gjëja më e mirë në planet, por mund të jetë edhe më e keqja. Kur vendoset siç duhet, ju merrni një pamje me sy të shndritshëm dhe të freskët, qerpikët ngrihen lart dhe syri duket vërtet bukur. Por kur qerpikët ngjiten së bashku, mund të jetë një mësim i mirë për të qenë të duruar.
Artistja e grimit Nikki Wolff thotë se arsyeja që rimeli njollos dhe rrjedh ka të bëjë me vajin.
“Vaji në lëkurën tonë, ose produktet kremoze të aplikuara rreth syve, mund të bëjnë që pigmenti i rimelit të transferohet në lëkurë, edhe pasi të jetë tharë”, shpjegon Wolff.
Megjithatë, ka disa truke për të ndaluar përhapjen e rimelit.
Hiqni vajin e qepallave
Sipas Marie Claire, qepallat mbajnë edhe më shumë vaj se fytyra, kështu që heqja e tij nga qepallat dhe zonat përreth është thelbësore.
Vendosni 2 ose 3 shtresa me rimel
Kjo mund të duket fillimisht e çuditshme, por çelësi për të mbajtur rimelin tuaj në vend është të mbushni qerpikët. Nuk po flasim për një primer për qepalla, i cili është i ngjashëm me primerin e fytyrës. Në vend të kësaj, do të filloni me një rimel të thjeshtë i cili u siguron bazën.
“Vendosni fillimisht rimelin tuaj të zakonshëm dhe më pas një shtresë rimeli “waterproof” sipër”, thotë grimierja Jenny Patinkin.
Shtresa e jashtme do të qëndrojë dhe do t’i mbajë qerpikët të paprekur.
