Producenti i famshëm holandez, Martin Garrix, ka shprehur prej shumë kohësh dashuri profesionale për këngëtaren shqiptare, Bebe Rexha. E gjitha nisi pas bashkëpunimit të tyre të suksesshëm për këngën “In The Name Of Love”.
Së fundmi Martin ishte i ftuar për një intervistë nga gazetarja e Christina Garibaldi e “Billboard”, ku producenti u pyet se si ishte të punoje me këngëtaren shqiptare.
“Bebe është e mrekullishme, është shumë e mirë, shumë unike dhe herën e parë që e takova ajo më tregoi disa nga këngët e saj, e ajo që më bëri për vete ishte zëri i saj kaq unik. Aty i thash se do isha shumë i lumtur të punoja me ty”, u shpreh Dj holandez për Billboard.
“Unë kisha një demo të papunuar, një ide që ia dhashë asaj në janar, ajo e preu, e përpunoi dhe më çoi vokalet. Më pas unë në studio shtova disa gjëra dhe kështu u krijua “In the Name of Love”, thotë ai.
Christina e pyet gjithashtu nëse është e vërtetë që shumica e bashkëpunimit është bërë nëpërmjet aplikacionit në celular “Facetime”, Garrix u përgjigj: “Po, në fakt, më shumë u bë nëpërmjet internetit. Bebe po regjistronte vokalet dhe po e përpunonte ndërkohë që ishte në Los Angeles, ndërsa un as vetë nuk e mbaj mend ku kam qenë në atë kohë. Më duket se në Amsterdam. Ne flisnim në “Facetime” gati çdo 15 minuta, ku ajo më dërgonte disa pjesë dhe më ndihmoi të zgjidhja pjesët e duhura. Me të vërtetë ishte shumë bukur”.
Burimi: Billboard
