Nëse je aq me fat sa të shkosh në Grammys, nuk ke vetëm mundësinë që të ecësh në tapetin e kuq me një paraqitje të mrekullueshme dhe të shikosh performancat mahnitëse në skenë. Por gjithashtu mund të largohesh me shumë dhurata.
Shuma e çmimeve që jepen duket se po rritet çdo vit. Në 2016-n, paketa e dhuratave të dhëna ishte rreth 22,000 dollarë dhe këtë vit çmimi ka shkuar në 30.000 dollarë.
Por sipas “Daily Mail”, disa yje nuk pranojnë “paketën e dhuratave”, sepse duhet të paguajnë taksa për vlerën e saj.
Dhuratat janë të jashtëzakonshme, ja disa prej tyre:
- Një abonim 10-vjeçar për make-up-in dhe hidratuesin e Oxygentix, që kushton 13,400 dollarë.
- Një udhëtim fundjave në SPA-n “Golden Door”, kushton 8,850 dollarë.
- Një vit abonim në seriumin për fytyrën dhe flokët nga Healing Saint, kushton 2,316 dollarë.
- Zgjatim flokësh (ekstejshën) nga “Lauren Ashtyn Full Volume”, kushton 850 dollarë.
- Paketë sistemi monitorimi për shtëpinë, kushton 599 dollarë.
Gjëja më e lirë në këtë listë është shumë e përballueshme nga të gjithë, një balsam për buzët nga ChapStick, që kushton 4.99 dollarë. Të famshmit janë si ne!
Burimi: Harper’s Bazaar
